Zuma iindikwa natango oku kutha ombinga momahogololo gopashigwana gonuumvo

Ompangu yopakotampango mo South Africa nena oya ekelehi etokolo lyokomisi yomahogololo,noku tokola kutya omupresitend omukulu Jacob Zuma, ita vulu oku kutha ombinga momahogololo gonuumvo.

Okomisi oya tulamo eindilo lyeendelela oku pataneka ekwatelemo lya Zuma momusholondondo gopaalamende mongundu yo uMkhoto we Sizwe.

Okomisi oya pititha omusholondondo gwaaulikwa hogololwa yoongundu,ngaashi shili moveta,noku pula omatindo.

Noya yakula etindo lili ompinge na Zuma,sha landula egeelo lyoomwedhi 15 mondjedhililo ya Estourt mo 2021,sho a dhini egeelo lyompangu yopakotampango .

Ashike ospan yopaveta ya Zuma oyati molwaashoka okwa longela ashike egeelo lye uule woomwedhi 3,nena ota vulu okuya mo National Assembly.

Ta mangululwa pasilohenda komupresitend Cyril Ramaposa nokominista yuuyuki Ronald Lamola omolwa eudhakano moondjedhililo.

Nongaashingeyi Zuma okuli omuleli gongundu yo MK a pingenapo omutotipo namwene gwayo Jabulani Khumalo.