Esiku lyo World No Tobacco otali ka dhimbulukilwa ko Tsumeb moshitopolwa Oshikoto mo 31 May.

Esiku lyo World No Tobacco oliikalekelwa momumvo 1987 kehangano lyuundjolowele muuyuni oku holola oshiponga shomikithi hadhi etwa koku hila omakaya gombandu nenge gofwakata ,nokutsa omukumo omapangelo ga tulepo omilandu dhoku shonopeka okuhila omakaya gombandu  nelongitho lilwe lyomakaya gombandu.

Oshigongi longekidhi osha ningwa ohela kOmuthiya,moka omupangi kuluntu guuministeli wuuhaku moshitopolwa John Lumbu,a koleke ehala lyoshiithanene shonuumvo.

Lumbu ta hiya aantu yomapipi ahege ketyapulo lyesiku,tati shiikwatelela kwaashoka haya mono,opena wo aanona yomomapaandanda haya nu omakaya.

Esiku nuumvo otali dhimbulukilwa kohi yehuku Protecting Children from Tobacco industry Interference.

Esiku omumvo gwa piti olya dhimbulukilwa kOshakati ,kohi yehuku: Otwa hala iikulya,kashishi omakaya gombandu.