Ireland okwa tseyitha ta talako Palestine onga oshilongo shiithikamenapo mo 28 May

Ireland  otaka talako Palestine onga epangelo,shiikwatelela ketseyitho lya prime minister Simon Harris nena,ta gwedha ko kutya okwa tegelela iilongo yilwe yi landuleko miiwike yili komeho.

O BBC oya lopota kutya Harris momutumba gwiikundaneki okwati nena Ireland,Norway na Spain oya tseyitha kutya oya talako epangelo lya Palestine.

Tati okuyapo nomapangelo gopaali oku kandulapo uupyakadhi osho ashike ondjila yishi okwiinekelwa yombili negameno ku Israel, Palestine naantu yawo.

Okuzimina noku talako Palestine onga epangelo liithikamenapo ku Ireland otashi tulwa miilonga mo 28 May.

Spain na Ireland oyati etokolo kalili ompinge na Israel nenge okugama ko Hamas,ashike okuyambidhidha ombili.

Israel ta yamukula nongeyo,ta londodha kutya etokolo olya hala kutya okwaahena engungumano okundji moshitopolwa ,noku ithanako  aakelelipo shilongo ye kiilongo ayihe yopatatu.