Namibia a kondema onkambala yokuumbako epangelo koshipundi mo DRC

Epangelo lya Namibia olya nongele neikwatopomutima omayambulepo gopapolitika mo DRC,sha landula onkambadhala yokuumbako epangelo koshipundi oowili dhongula yosoondaha yo 19 May,nolyeshi kondema.

Omushangwa okuza mombelewa yominista yiikwapondje yoshilongo nomalongelokumwe gopashigwana ogwati Namibia onkee a thikama ponkatu yokwaaha pitika ekutheko lyoonkondo dhokulela  pamikalo dhaali pakotampango,ngaashi shili mooveta nomilandu dho African Union,o African Union Constitutive Act,no African Charter on Democratic Elections and Governance ,dhoka tadhiindiile ekondemo netindo lyomalundululo gomapangelo shaali pakotampango ,noshili metsokmwe  lyomaitulemo go AU goku hulithapo oondjembo mu Africa.

Pethimbo lya faathana,Namibia ta taambako ,noku yambidhidha omushangwa go SADC ngoka gweendulula eitulemo lyiilyolongo, ko SADC Protocol on Politics,Defense and Security Cooperation,ndyoka tali lalakanene okuyela ombili negameno moshitopolwa.

Omushangwa taguti Namibia ota tsikile okuyambidhidha aa DRC ,notindiile oshigwana shomuuyuni shi yambidhidhe   iinyangadhalwa kehe yombili mo DRC.