Minister Peya Mushelenga a shaina embo lyomahekeleko sha landula eso lyomupresitend gwa Iran Ebrahim Raisi

 

Peya Mushelenga,ominista yiipambele yopashigwana nomalongelokumwe gopashigwana peha lyepangelo lya Namibia ohela okwa shaina embo lyomahekeleko ko embassy ya Iran .

Eshaino olya landula sho pweegululwa embo lyomahekeleko  oku dhimbulukwa nakusa omupresitend Ebrahim Raisi nominista yiikwapondje Hossein Amri Abdollahian,opamwe naanambelewa yalwe yopombanda mepangelo yeli ya 6 mboka ya hulithile moshiponga shedhagadhaga mo 19 May.

Mushengela momahekeleko ge tati Raisi nominista yiikwapondje Abdollahian otaaka dhimbulukiwa omolwa eitulemo lyawo oku kondjela emanguluko lya Palestine .

Mushelenga na Ambassodor gwa Iran mo Namibia Seyed Ali Sharifi Sadati oya longitha ompito oku endulula  eitulemo oku nkondopeka uukumwe mboka uli nale pokati kiilongo yopaali naantu yawo.