Ompangu yo International Court of justice ya gandja elombwelo ku Israel a hulithepo iiponokela ye mo Rafah

Ompangu yo International Court of Justice oya gandja elombwelo ku Israel a hulithepo iikonga ye yopakwiita muumbangalantu wa Rafah mo Gaza.

Ompangu yopombanda miigwana ya hangana tayiti onkalo mo Rafah inayi lunduluka  ,okuza pelombwelo lya tetekele opo Israel a nawapaleke onkalo,tayi gwedhako kutya shoka tashi ningwa moshilando sha Palestine shoka sha kondekwa ,otashi etitha lela eikwatopomutima.

Elombwelo olyeya sho South Africa a pula ompangu yi gandje elombwelo ku Israel a hulithepo iiponokela ye mo Rafah.

Omupresitend gompangu Nawaf Salam tati Israel na hulithepo iikonga ye yopakwiita mo Rafah meendelelo,oshowo onkatu kehe mo Rafah ndjoka tay nayipaleke oonkalo dhaa Palestine mo Gaza.

Ompangu tayi gandja wo elombwelo ku Israel eegulule uutaagulukilo wa Rafah pokati ka israel na Gaza,okupitika omakwatho gaye mo Rafah,noku lopota kepondolo lye meni lyomwedhi 1.

Israel ngoka ati iiponokela ye mo Gaza oyili omukalo gokwiipopila noku odheka aakwiita yo Hamas okwa tindi omalundilo ngoka,nombelewa ya prime minister Benjamin Netanyahu tayiti kagena uukwashili washa.