Spain,Ireland,na Norway nena otaya talako pambelewa Palestine onga epangelo liithikamenapo

Spain,Ireland,na Norway nena otaya talako pambelewa Palestine onga epangelo liithikamenapo,metokolo ndyoka lya kondemwa ku Israel onga olupandu ko Hamas,oomwedhi heyali miikolokosha yi kenyeneka mo Gaza.

O BBC oya lopota kutya iilongo itatu yo EU oyiitaala kutya osheetwapo shayo oshina oshilanduli oshinankondo,shoka tashi vulika shi tse omukumo iilongo yilwe yi yeya landule.

Iilongo oyuulike wo konkandangala yopandjokonona ya Norway na Spain okuyambulapo oonkambadhala dhombili pokati ka Israel na Palestine:Mo 1991 oombinga mbali okwali dha kuutumba loshikando shotango momutumba gombili mo Madrid,ngoka gwa pala ondjila yo 1993 Oslo Accords.

Ominista yiikwapondje ya Spain Jose Manuel Albares ohela okwati okutalako epangeloe lya Palestine oshili kombinga yuuyuki waa Palestine.

Noshili wo ekwashilipaleko lyegameno ku Israel nosha simana okwaadha ombili moshitopolwa,shiikwatelela ku Albares ,opamwe nambushe miilonga gwa Norway na Ireland.