Ongonga hangano yo ilyolongo yo EU, ota i ka ku famo omatanga ayo opakwaita mo Niger oku fika pe xulilo lomwedi twa taalela

Ehangano lo ilyolongo ya Europe EU,  mo paife ola faneka li kale la ku famo omatanga alo opakwaita mo Niger, oku fika pexulilo lo mwedi twa taalela June.

Olopota yo shikundaneki sho News24 oya ti,  etokolo lo diva ole ya sha landula ko nghalo yo ku hena eameno lo pa politika moshilongo osho.

Elikufemo lo matanga o EU  mo Niger, oleya ko nima eshi oshilongo United States na  Niger, ina ihanga etwokumwe shi nasha no matanga a America,  oo apulwa opo akale afiyapo oshilongo oku fika mokati ko mwedi wa Sepetember neudo.

Omanga  America ali ina pewa elombwelo loku ku famo omatanga aye, Niger okwa hangwa yoo ayandjele elombwelo ku France, opo akale aku famo omatanga aye  oku xulila mu December 2023, omanga oshilongo osho sha ta lika tashi pange oukaume no shilongo Russia.

Omukanda oo wa pitifwa ko EU owati, Ehangano lo  European Union Military Partnership Mission mo Niger (EUMPM), mo paife okwa tee le lika li kale la ku famo oikonga yo matanga alo oku fika mo 30 June 2024.