America a kondema etokolo lya Venezuela okwaaha hiya aataleli yomahogololo yo EU

America ohela okwa kondema etokolo lya Venezuela oku kuthapo ehiyo lyo EU oku talela omahogololo ge geliko mu July,tiindiile Caracas a talulule etokolo.
Omushangwa okuza komupopiliko goshikondo lyepangelo lya America Matthew Miller ogwati America okuna eikwapomutima lyetokolo lyomupresitend Nicolas Maduro naakalelipo ye oku kuthapo ehiyo lyaataleli yomahogololo yo EU.
Tati onkatu oyili ompinge nomaitulepo ga ningilwe mo Barbados mu October 2023 okuyambidhidha uuyinekelwa woshikumungu shomahogololo,teendulula ompangela yoku ninga omahogololo geli pauyuki taga talelwa wo nokaataleli yopashigwana.
Venezuela metiyali okwatii okwa kuthapo ehiyo lyo EU oku talela omahogololo ge mo 28 July,ta gandja ombedhi ko EU yomikalo idhopemo okupitila moondjindikila.
Osheendo sho EU mo Venezuela oshati oshina omaipulo getokolo lya Venezuela.