Ongundu yo SWAPO otayiindiile iilyo,aayambidhidhi naaholi yongundu oshowo aa Namibia ayehe yiishangithe onga aahogololi

Ongundu yo SWAPO otayiindiile iilyo,aayambidhidhi naaholi yongundu oshowo aa Namibia ayehe yiishangithe momwaalu omunenene pethimbo lyeshangitho lyopashigwana lyaahogololi okuza mu 03-June sigo 01 August.

Amushanga gomauyelele mongundu Hilma Nikanor okwa ningi eindilo metine,opo iilyo yiishangithe noku hogolola ongundu nomuulikwa hogololwa gwayo momahogololo twa thinda.

Nikanor tiindiile wo iitayi yongundu moshilongo ashihe yuungeneke noku tsa omukumo iilyo ayihe yiishangithe yi ka hogolole.

Nikanor,ngoka eli wo omupevi minister go defence niipambele yaakondjeli manguluko okwa dhenge omuthindo esimano lyiilyo yiishangithe onga aahogololi momahogololo geliko mo 27 November.