Namibia okwa tumbaleke South Africa sho a ningi omahogololo gopashigwana pambili

Omupresitend Nangolo Mbumba okwa pandula aa South Africa sho ya ningi omahogololo pamukalo gopambili nogwelandulathano.

Mbumba tati Namibia no SADC oyena okupandula aakwashigwana noongundu dhopapolitika mo South Africa kwaashoka ya longa,tati oya hogolola pambili naashoka oshili oshinima sha simana.

Ongundu tayi pangele mo South Africa o ANC oya kanitha iipundi oyindji mopaalamende momahogololo ga ningwa metitatu.

Ongundu ya Mbumba yo SWAPO otayiilongekidhile omahogololo gopashigwana mu November.

Na Mbumba okwali mokati kaantu yotango mboka yiishangitha okumona uukalata womahogololo nena.

Omanga Elsie Nghikembua,omunashipundi gokomisi yomahogololo moshilongo,naye a pandula okomisi yomahogololo ya South Africa sho ya ningi omahogololo guunganekwa nawa,nogali pambili.

Tati sho okomisi ya Namibia tayiilongekidhile omahogololo gopashigwana mu November,opena shoka taa ilongo koshikumungu shomahogololo sha South Africa.

.