Oshitopolwa Oshikoto osha hala okunawapaleka uukwatya washo wopauhaku

Oshikondo shuuhaku nomayakulo gopankalathano moshitopolwa Oshikoto oshuulike kutya osha hala okunawapaleka uukwatya wopaundjolowele moshitopolwa.

Omukuluntu guuhaku moshitopolwa Joshua Nghipangelwa nena okwati oyiipyakidhila oku nongonona onkalo noku mona kutya uupangelogona ungapi wa pumbwa eyambidhidho.’

Tati oya pumbwa oku ninga enongonono ndyoka omanga inaaya tameka oku konga oshimaliwa.

Ashike okwati oshikondo osha taalela omashongo ga yooloka ngaashi uupangelogona  wumwe wa pumbwa oku opalekwa,ompumbwe yomeya kuupangelogona wumwe,oshowo ompumbwe yoondjila okuthika kuupangelogona mboka.

Nghipangelwa ta tothamo uupangelogona ngaashi ka Hedimbi ,hoka kena omeya itaaga vulu oku longithwa kaantu,ka Olukupa hoka kena oondjila oombwinayi,nohashi kwata oowili dhili 6 okuthika ko,nokapangelogona okakulu keli moshikandjohololo sha Omuntele, hoka kwali ka kulupa,ashike oka opalekwa mu March sigo omu April.