Aanona oomilion muuyuni oyeli moluhepo loondya

Aanona ya thika poomilion 181 muuyuni,yeli kohi yoomvula 5,nenge kamwe komaanona yane ,oya taalela oluhepo loondya,shiikwatelela kolopota ompe yoshiketha shaanona miigwana ya hangana-UNICEF..

Molopota ompe,oshiketha oshati kamwe komaanona yane oya taalela oluhepo loondya lwa shigako,noo% 65 dhomuyo haya kala miilongo ya konda 21,moka aanona oomilion ya thika 59 yEli miilongo yo Sub Sahara Africa.

Olopota yo “Child Food Poverty: Nutrition Deprivation in Early Childhood” oya nongonona iilanduli niiyetithi yokwaahena iitungilutu mokati kaanona aashona muuyuni,miilongo ya thika 100,oshowo mokati koongundu dhiiyemo.

Olopota tayi londodha kutya aanona oomilion yeli kohi yoomvula 5 ihaya vulu okumona iitungilutu,opo ya vule oku koka.

Aanona ya 4 yomaanona ya 5 yeli monkalo ndjika ohaya pewa ashike omahini gokontulo,nenge iikulya yiikwamuma ngaashi olwishi,epungu niithima.