Iran otaka ninga omahogololo mo 28 June

O Iranian Gurdian  Council ohela oya zimine omupopi gopaalamende oshowo aaulikwa yalwe yatano ya kuthe ombinga momahogololo guupresitend geli ko mo 28 June,sha landula eso lyomupresitend  Ebrahim Raisi ngoka a hulithile moshiponga shedhagadhaga  opamwe nayakwawo ya heyali.

Olutu pangeli loshilongo natango olwiindiike omupresitend omukulu Mahmoud Ahmadinejad,kaaha  kuthe ombinga momahogololo.

Aaulikwahogololwa oya pewa iiwike iyali ya ninge iikonga hwahwameko yawo.

Aaulikwahogololwa aanamadhina omwa kwatelwa Mohammed Bagder Qalibaf 62,kwali mayor gwa Tehran,ngoka ena uukumwe nongundu yopakwiita yo Revolutionary Guard.

Nokwa kuthile ombinga momahogololo guupresitend mo 2005 n0 2013.

Omahogololo otageya pethimbo lyomahilathano pokati ka Iran niilongo yomuutokelo omolwa okugandja iilwitho ku Russia miita ye mo Ukraine.

Raisi,ominista ya Iran yiikwapondje Hossein Amirabdollahian nayalwe oya hulithile moshiponga shedhagadhaga mo 19 May monooli uutokelo woshilongo.

Omakonakono otaga tsikile,nonando omalelo tagati kapena edhidhiliko lyaangoka nenge shoka tashi fekelwa moshiponga shoka.