Kamusela gwa Kaiti yokuushayi Willem Labuschange okwati ke wete Namibia taadha o Vision 2030

 

Kamusela gwa Kaiti yokuushayi Willem Labuschange okwati ongundu yo SWAPO kayina shoka tayi ningi oku kwashilipaleka kutya Namibia okwaadha o Vision 2030 moomvula 6 dhili komeho,molwaashoka oya ndopa nale okushi ninga moomvula 34 dha piti.

Kamusela gongundu yo LPM pethimbo lyetyapulo lyemanguluko lyoshilongo lyokwa laata molyomakaya okwati pula nkene Namibia ta ningi oshilongo sha putuka,sho uuministeli wehumitho komeho yoongeshefa niipindi tau tsikile oku pewa o budget onshona.

Tati otaya pataneke o budget yoodola oobilion 7 noodola oobilion 1.4 dhoka dha pewa uuministeli wo defence niipambele yaakondjeli manguluko,,pwaahena oshiponga shasha shiita okuyeleka nuuministeli wiipindi mboka wa pewa oodola oomilion 300,noomvula dhili 6 dha thigalako opo Namibia a ninge oshilongo sha putuka.

Pethimbo lya faathana,omuleli gongundu yo LPM Bernadus Swaartbooi okwa gandja ethaneko opo Namibia a tale unene keyambulepo lyoonzo dhopantu,peha lyoku tala ashike keyambulepo lyomakwatathano,molwaashoka eyambulepo lyoonzo dhapantu  otali vulu okupa aakwashhigwana eyambulep lyopaliko.

Ta gwedhako kutya ompumbwe yeyambulepo lyopantu olyeetitha okwaahena iilonga kuli pombanda mokati kaagundjuka,nomaihumbato omawiinayi ngaashi omadhipago nomiyonena dhuukashikekokantu.