Kim Jong Un nena okwati oshilongo she otashi tumbaleke uukumwe washo na na Russia

Omuleli gwa North Korea Kim Jong Un nena okwati oshilongo she otashi tumbaleke uukumwe washo na Russia,tati iilongo yopaali oyili oo kamarada moku longela kumwe,sho pena oolopota kutya omupresitend Vladmir Putin otaka talelapo ko North Korea methimbo efupi.

Kim okwali a talelepo Putin mo Russia omumvo gwa piti,na South Korea  na Washington taati North Korea ota tumu iilwitho ku Moscow yi ka longithwe mo Ukraine,noku pogola oondjindikila dhiigwana ya hangana,ye a pewe ekwatho lyopautekinika nopolohalama ye yo satelite.

Putin okwa tegelelwa a ka talelepo North Korea  momasiku geli komeho,sho Kremlin a lombwele iikundaneki ya Russia mu May kutya olweendo otalu longekidhwa.

Onzonkundana ya South Korea yo Yonhap oyati etalelepo otashi vulika li lingwe  nando oshiwike tashiya,onga oshitopolwa sholweendo ndoka  talu ka kwatelamo mo wo na Vietnam.

Uukumwe pokati ka North Korea na Russia owa ninga uukumwe uuwanawa,shiikwatelela ku Kim metumwalaka lye lyuuka ku Putin.