South Korea nena okwati ota tala nuukeka omalongekidho komupresitend gwa Russia Vladmir Putin, ketalelepo lye lya thanekwa mo North Korea.

South Korea nena okwati ota tala nuukeka omalongekidho komupresitend gwa Russia Vladmir Putin, ketalelepo lye lya thanekwa mo North Korea.

Onzonkundana yo AFP oya lopota kutya  uuministeli wiikwameni wa South Korea owati epangelo otali tala nuukeka elongekidho lyolweendo lwa Putin mo North Korea.

Kuyele nena,omunambelewa gopombanda mombelewa yomupresitend gwa South Korea okwati Putin okwa tegelelwa a ka talelepo mo North Korea momasiku omashona.

North Korea na Russia ayehe oyeli kohi yoondjindikila,noya nkondopeka uukumwe okuza sho Russia a tumu aakwiita ye mo Ukraine mo 2022,na North Korea ota pewa ombedhi okugandja iilwitho ku Russia yi ka longithwe miita ye mo Ukraine.

Kapena ombinga ya koleka etalelepo lya Putin.

Russia okwa lombwele onzonkundana yepangelo omwedhi gwa piti kutya olweendo otalu longekidhwa.