Oshiketha shoku keelela iiponga yomoondjila yo MVA Fund otashiindiile aakuluntu ya kaleka aanona ya gamenwa pethimbo lyefudho ndika.

Oshiketha momushangwa tashiti,sho ooskola odhindji dha pata nena mo 14 June,oshiketha otashiindiile aahingi,aakwashigwana,aavali naatakamithi yaanona ya kwashilipaleke egameno lyaanona kiiponga yinasha niiyenditho nenge yomoondjila nomaso pethimbo lyefudho.

Tashiti iiponga yomoondjila oyo unene hayi etitha iiponga nomaso maanona yoomvula okuza pevalo -19.

noshiponga  shegameno lyomoondjila maanona oha shiindjipala ethimbo lyuusiku,nokonima yoowili dhootundi,momahulilo shiwike,momafudho gopashigwana,nomomafudho gooskola,sho aanona haya kala noku dhana pondje momapandaanda.

Oshiketha tashi holola kutya osha dhidhilika iiponga yaayendi yokolupandhi 339 okuza mu 01 Jan-29 May nuumvo.

Naanona okuza pevalo sigo oomvula 19 oyeli moshiponga shiiponga yaayendi yokolupadhi,ya kalelapo oo % 44.

Oshiketha tashiindiile aavali naatekuli yaanona ya sile aanona yawo oshisho pethimbo lyomafudho,okuyanda iiponga nomaso giimanga kiiponga yomoondjila.