Russia ota sheke omatsokumwe gegameno ngoka Ukraine a shaina na America komutumba go G7

Omupopiliko guuministeli wiikwameni mo Russia ohela  okwa sheke ompangela yegameno ya America na Ukraine,ya tseyithwa pethimbo lyomutumba go G7 kutya oyili ashike ombaapila ya nathangwa.

Maria Zakharova okweendululwa wo koonzo dha Russia tati omatsokumwe ngoka kageshi sha,kagena oonkondo dhopaveta.

Ohela,,Ukraine okwa shaina omatsokumwe gegameno na America na Japan,gongaashingeyi gomokati koompangela dha faathana dha ningwa nookuume komiilongo yomuutokelo,mwa kwatelwa Britain na France.

Omikanda odha kwatelamo omauvaneko oku tsikila okuyambidhidha ukraine  pakwiita nopashimaliwa uulethimbo oku ipopila kiiponokela ya Russia.

Zakharova tati oompangela dhoka otadhi lalakanene okuulikila aakwashigwana mboka ya thigala mo Ukraine kutya oshigwana shomuuyuni onkee shili pamwe nayo.

Tati muukwashili,otaaka yanda oshinakugwanithwa shopaveta shonakuyiwa ya Ukraine.

Onzonkundana yo AFP oya lopota kutya omupresitend gwa Ukraine Volodymry Zelensky ohela okwati etsokumwe lyoomvula 10 lya shainwa na Washington olili uukumwe wuukwashilyo wo NATO koshilongo she.