A hahala nekaatana kuume ke kopaihole

Omulumentu gomimvo 54 okwiikutha omwenyo konima sho a hahala nekaatana kuume ke kopaihole gomimvo 41 komukunda Ongongolwa moshitopolwa shaMusati Etitatu.

Olopota yopolosi ya pitithwa ku Inspector Anna Kunga oyati pokati ka nakuningilwa omuyonena nomufekelwa ngoka eli ngaashingeyi nakusa opwa holoka oondjuma.

Lwanima omufekelwa okwa kutha ekaatana noku hahala kuume ke momutse konyala, nomothingo, nokwiikutha omwenyo lwanima.

Otaku hokololwa ayehe yali ya longitha iikolitha.

Naku eehamekwa okwali a falwa koshipangelo koTsandi, nokwa tumina koshipangelo shepangelo shaShakati molwaashoka okuli monkalo ombwinayi.

Nakusa okwa tongololwa oye Paulus Namboga Kathindi, naapambele ye oya tseyithilwa.