Epangelo olya pumbwa oshimaliwa oshindji oku yamukula konkalo yoshikukuta

Epangelo olyiigidha onkalo yoshiponga omolwa oshikukuta,noku gandja oodola oomilion 825 dhoonkambadhala dhoshikukuta.

Ashike omupevi prime minister John Mutorwa okwa tseyitha omwaka yoshimaliwa yoodola oomilion 482,noshimaliwa ashihe sha pumbiwa shili poobilion 1.307.

Omuloka gwa nkundipala momumvoteyo go 2023-2024 ogweetitha eshonopalo lyeteyo noo % 53,noodama dhomeya moshilongo odhina ashike omeya goo % 55,noku nayipaleka ompumbwe yomeya,unene miitopolwa yondingandinga ngaashi mo Windhoek.

Opolohalama yoshikukuta oya kwatelamo iikulya oku yambidhidha aanamagumbo 342 000,iimuna noku gandja omeya.