Omupresitend Vladmir Putin okwa londodha south Korea kutya otashi kala epuko enene ngele okwa homateke Ukraine miita ye na Russia.

Omipopyo dhe odheya sho Seuol ati ota tala kompito yafa mpoka,okuyamukula kompangela ompe ya Russia na North Korea oku kwathelathana ngele gumwe a ponokelwa.

O BBC oyati,Moscow okwatiota kutha omatokolo ngoka tashi vulika itaaga hokitha ewiliko lyongaashingeyi lya South Korea ,ngele Seoul okwa tokola okugandja iilwitho ku Ukraine,shiikwatelela ku Putin ta lombwele aatoolinkundana ohela mo Vietnam ,sho a ziilile ko North Korea, hoka a shaina etsokumwe lyegameno nambushe miilonga.

Putin ta londodha wo kutya Moscow okuna ohokwe okupa North Korea iilwitho ngele  America nookuume ke otaya tsikile okupa Ukraine iilwitho.

South Korea okwa kondema etsokumwe lya  Russia-North Korea ,onga oshiponga shegameno lyopashigwanna,nomugandji mayele gopashigwana Chang Ho Jin okwati oshilongo she otashi tala koku pa Ukraine iilwitho .

Sha landula omipopyo dhoka,ombele wa yomupresitend gwa South Korea  etitano oyati otayi tala koompito dha yooloka oku homateka Ukraine,nonkatu otayiikwatelele kunkene Russia tiihumbata nenge ta kutha ombinga moshinima shika.

Tiithana ko wo omukalelipo shilongo gwe George Zinoview oku holola ompinge netsokumwe ndika,noku pula Moscow a hulithepo etsokumwe lye lyelongelokumwe lyopakwiita na North Korea.