Namibia okwa pyakudhukwa okuunganeka omutumba go Africa Hospitality Investment Forum.

Omutumba tagu ka ningilwa mo Windhoek okuza mo 25-27 June,otagu ka kaliwa kaapunguli,aaleli yopangeshefa,aanambelewa yopombanda momapangelo,naagandjii mayele moshikondo okuza kiilongo 41 ,nokwa tegelelwa ya gongale mo Movenpick Hotel uule womasiku ga 3 moonkundathana dhopamuthika gopombanda,iigongi yopangeshefa noonkundathana dhopethimbo, nomayambulepo moshikondo shomapashiyono nomayakulo gaayenda.

Omutumba nguka otagu ningwa oshikando shotango muumbangalantu wa Africa,sho Namibia a sindana eindilo okuunganeka omutumba okupitila moonkambadhala dho Namibia Investment Promotion and Development Board (NIPDB),

Omupevi presitend Netumbo Nandi Ndeitwah otaka egulula omutumba pambelewa mo 26 June ,noku dhenga omuthindo esimano lyeyambidhidho lyepangelo onga omukalo gomaidhopelo taga lalakanene oku nana omapungulo neyambulepo moshikondo shomapashiyono nomayakulo gaayenda.