Omupresitend Ruto okwati okwa pyakudhukwa okuya moonkundathana naagundjuka

Omupresitend William Ruto okwa holola ohokwe okuya moonkundathana naagundjuka taya holola omadhiladhilo yeli ompinge nontotwaveta yopashimaliwa mo Kenya.

O African News oya lopota kutya  ohela,aahwahwameni aagundjuka,taya lalakanene oku keelela aanapolitika mboka ya yambidhidha ontotwaveta yaaha popye moongeleka,oya holola omakemo gawo kaakwanegongalo mo Nairobi.

Aagundjuka oyeli ompinge nontotwaveta,ndjoka yeetapo iihohela iipe,nomahololomadhiladhilo onkee taga tsikile.

oshiwike sha piti,omayovi yomuyo oya holola omadhilahdilo moshilongo ashihe,taa indile yi kuthwepo.

Ruto ngoka ali kongeleka noku popitha aahololimadhiladhilo oshikando shotango,okwati otaakaya moonkundathana nayo,noku tothamo omakemo gawo,noku longela kumwe onga oshigwana.

Aahololimadhiladhilo oyati otaa unganeke natango omahololomadhiladhilo omape metiyali  netine taliya.