O European Union oya gandja oodola oomilion 6 oku yela noku gamena uuthemba waayelele mo Namibia uule woomvula 3.

Oshikondo sho Legal Aid Centre shoka tashi ka  tula miilonga opololeka ,oya ningi oshigongiilonga shomasiku gaali mo Windheok oshiwike sha piti,nokuulika etameko lyopololeka oku humitha komeho uuthemba noku nkondopeka oshigwana shaayelele.

Oshigongiilonga okwali sha kuthwa ombinga kaantu yoshigwana shaayelele okuza moshilongo ashihe,oshowo aanambelewa yepangelo nomahangano goshigwana.

Opololeka otayi ka tala koku nkondopeka oshigwana shaayelele pakushipa iilongitho yopaveta ya yooloka okupopila uuthemba wawo,noku kwatelamo iiputudhilo yopaveta noyepangelo.

Omukuluntu wiliki go LAC Toni Hancox okwa fatulula esimano lyopololeka okuyamukula komashongo ga palamena oshigwana shaayelele okumona uuyuki noku kalekapo uuthemba wawo.