Osheetwapo sho 2024 Old Mutual Sustainable, Economic and Empowerment Drive (OM SEED) osha holola epondolo lyopaunangeshefa moshitopolwa Ohangwena

Osheetwapo sho 2024 Old Mutual Sustainable, Economic and Empowerment Drive (OM SEED) osha holola epondolo lyopaunangeshefa moshitopolwa Ohangwena,noku talako aanangeshefa yena omadhilongo giikalekelwa oshowo aantu mboka ya pyakudhukwa oku nawapaleka iigwana yawo.

Ethigathano lyonuumvo ,lya lalakanene okuyela ekoko lyopaliko nenkondopeko olyeetitha esimaneko lyaanangeshefa yeli ya 3 mboka ya longekidhilwa oshilanduli shuulethimbo.

Mignon du Preez,eli o Old Mutual Namibia’s Group Marketing, Public Affairs, and Sustainability Executive, okwa ningi etseyitho nena mo Windhoek ,nokwa dhenge omuthindo esimano lyo OM  SEED.

Tati oshili enwethemo okumona nkene aanangeshefa moshitopolwa Ohangwena taya longitha owino yawo,okutunga oongeshefa tadhi kalapo,ta gwedhako kutya epondolo lyawo olili omukumo nepondolo lyoshilongo ashihe.