Aa Namibia ya konda 50 000 ya pewa omikanda dhuukwashigwana

Uuministeli wiikwameni yoshilongo,omatembu,egameno nepopilo lyoshigwana  owa gandja oonzapo dhomavalo nuumutse woshilongo kaa Namibia 50 833 okupitila moshikonga shawo sheshangitho lyomikanda shoka shili metifa,noku pitilila oshishonekwa shaantu 50 000.

Omunambelewa kuluntu guuministeli Etienne Maritz momushangwa gwiikundaneki okwati shika oshili epondolo enene moonkambadhala dhuuministeli oku kwashilipaleka eshangitho lyomavalo nuuthemba.

Oshikonga osha tamekele mu 05 Feb miitopolwa ayihe 14 yoshilongo,notashiya pehulilo mo 30 July.

Maritz tati osheetwapo otashi tala koku shangitha noku gandja oonzapo dhomavalo nomikanda dhoshilongo kwaamboka yaadha iipumbiwa ngaashi shili moveta yekotampango lyoshilongo yo Constitution of the Republic of Namibia and the Births, Marriages, and Deaths Act of 1963.

Maritz tati aaningi yomaindilo yeli 7 332 oya shangithwa onga aantu yaahena uukwashigwana  nokayena uuthemba,naantu mboka oyeli mo category kaamboka inaaya vula okugandja omikanda tadhi ulike kutya aakwashigwana yoshilongo shontumba.