Omutumba go Child Research Initiative and Training (CRIT),osheetwapo shoshiputudhilo sha UNAM nuuministeli wuuthikepamwe wuukashikekokantu ogwa tameke ohela mo Windhoek.

Omutumba gomasiku ga 3 ,gwa yambidhidhidhwa ko University of Minnesota no  United Nations Children’s Fund (Unicef),otagu lalakanene oku fatulula uukalinawa wokanona mo Namibia,nokutala koompumbwe dhinasha nooveta dhaanona,omayakulo ,eyambulepo lyiilonga naanaaskola ,omapekapeko nomaidhopemo mo Namibia.

Opolohalama yo  Child Research Initiative and Training (CRIT) okwa tegelelwa yi kale koshiputudhilo sha UNAM.

Omunambelewa kuluntu ta kwathele muuministeli wuuthikepamwe wuukashikekokantu Nichlas Mbingeneeko okwati uuministeli okwa tegelelwa weetepo omilandu noopolohalama- uumbangi, dhoka tadhi yamukula koompumbwe dhaanona aa Namibia.

O Senior Executive Director of the Centre for Advanced Studies in Child Welfare ko University of Minnesota,Traci LaLiberte okwati iilonga ya pumbiwa oku kwashilipaleka egameno nuukalinawa waanona naanamagumbo mo Namibia kayishi iipu nenge iishona,omanga samuel Ocran ,omukalelipo go UNICEF mo Namibia ati okugongela uuyelele  osha simana moku kwathela okuyamukula koompumbwe dhaanona.