Otjikoto B2Gold Mine oya gandja omakwatho kelelo lyoshitopolwa Otjozondjupa

O Otjikoto B2Gold Mine ohela oya gandja omakumbatha,oombete,nomatalashe  kelelo lyoshitopolwa Otjozondjupa,yi ka topolelwe mboka yeli monkugo yina onkambe,aakokele,mboka yaahena omalukawa,niihakanwa yomililo dhoombaashu.

Omukuluntu goshikondo shoku pungula moshigwana momina Ignatius Awaseb,naangoka ta kwathele onga omukuluntu wiliki gomina Dama Fotolela oya gandja iinima yina ongushu yoodola dhili 500 000 komunashipundi gwelelo lya Otjozondjupa Marlayn Mbakera.

Awaseb tati iinima ya gandjwa oya kwatelamo oombete oompe naadhoka dha longa nale dhili 148,omatalashe 162,o plastic dhomatalashe dhili 204,omakumbatha goku yala geli 235,oma duvet geli 213,nomakumbatha geli 25,iikumusinga yili 237 ,nooshako 10 dhiihanduke yopeke ya longa nale.

Niinima ,Awaseb okwati oya kuthwa ko lodge yawo yokofalama kOtjikoto B2Gold Mine pondje ya Otjiwarongo.

Peha lye, Mbakera ta pandula ewiliko lyomina omolwa iinima ya gandjwa,.nokwati otayi ka gandjwa kwaamboka yeli mompumbwe miikandjohogololo yili 7,mwa kwatelwa iihakanwa yomililo.