Russia okwa tumbaleke emanguluko lyuudemokoli wa Namibia komilandu dhopashigwana

Omunashipundi go Russia Federal Council Committee on Social Policy Yelena Perminova okwa tumbaleke emanguluko lyuudemokoli wa Namibia komilandu dhopashigwana,tati nonando pena ethindakano enene,Namibia okuulika ekankamo,pakwaaha wayimina oshikonga shili ompinge na Russia shiilongo yomuutokelo.

Ta popi sho a talelepo omupopi gopaalamende metiyali mo Windhoek,Perminova okwati shika oshuulike emanguluko lya Namibia momilandu dhiikwapondje noku kutha ombinga kekoko lyuukwatya we wopashigwana.

Tati uukumwe pokati kiilongo yopaali owa ngungumana,na inawu nethwemo kiikwapolitika yopashigwana.

Noya pyakudhukwa oku nkondopeka iikondo ayihe yelongelokumwe lyawo muuwanawa waa Namibia naa Russia.

Ta gwedha ko wo kutya Russia okwa simaneka iilonga yaataleli ya Namibia momahogololo gopashigwana ga ningwa mo 24 March,ta holola kutya oya longa iilonga iiwanawa kiitasi yomahogololo,noku gandja enongonono lya yela lyomulandu gomahogololo mo Russia.