aa Namibia naya wilikwe koohedhi dhopaalamende yi thike pamwe ngele tashiya kaakiintu naalumentu,oshoowo aagundjuka naakokele,momahogololo ngoka tageya mu November

Omutumba go Nala Feminist Collection-Nalafem Summit ngoka gwa tameke nena moshilandopangelo ogwa kalelapo eitulemo lyepangelo tali tsikile okuyambidhidha noku yela uuthemba waakiintu newiliko lyaakiintu mu africa.

Shika oshiikwatelela kominista yomauyelele nomakwatathano gopaungomba Emma Teofelus.

Edhingoloko eti 3rd lyomutumba go Nalafem Summit olya ziminwa ko cabinet mu May.

Teofelus tati ezimino lyo cabinet okuunganeka omutumba otashuulike eitulemo lyoshilongo okuyela uuthikepamwe wuukashikekokantu newiliko lyaakiintu pandjele yopashigwana noyopanenevi.

Momutumba gwiikundaneki oshiwike sha piti,omutotipo go Nalafem Aya Chebbi okwa hokolola o Nalafem onga etanga lyaakiintu taya kwatele komeho enenevi Africa.

Tati o nalafem oya kalelapo aaleli aakiintu mboka haya kutha ombinga onene menenevi ,ta tseyitha kutya aaleli aakiintu ya yooloka mo Namibia otaa kutha ombinga momutumba,tagu kaliwa kohi yehuku:Uuthemba waakiintu oku lela.

lopokati mpoka Omupevi presitend Netumbo Nandi Ndeitwah omanga teegulula omutumba nena okwati aa Namibia naya wilikwe koohedhi dhopaalamende yi thike pamwe ngele tashiya kaakiintu naalumentu,oshoowo aagundjuka naakokele,momahogololo ngoka tageya mu November.