Aamati naalumentu aagundjuka 300 ya piti etanda mo Mpumalanga mo South Africa

Ehangano lyo Ingoma Forum liindiile ooskola dhoku pititha etanda opo dhi longele kumwe niipangelo, omanga inaadhi tuma aamati naalumentu aagundjuka kooskola dhoku pitithwa etanda.

O SABC oya lopota kutya ehangano shika osheli popi sha landula sho aapitithwa tanda 300 ya pitithwa etanda mo Kwa Ndebele mo Mpumalanga mehuliloshiwike.

Nokwali taya pitithwa etanda uule womwedhi 1,okuyeleka noomwedhi 2 moomvula dha tetekele.

Noku pitithwa etanda onkee kwa simana mo South Africa ,nonando tapu lopotwa omaso ga yooloka kooskola dhimwe dhoku pitithwa omatanda.

Omunashipundi Dr Vusi Masombuka okwati uundjolowele waamboka taa pititwa etanda onkee wa simana.

Lopokati mpoka,omaindilo oga kala noku ningwa oku mangapo noku tamaneka mboka taa thiminikile aamati aagundjuka yaye kooskola dhoku pititha omatanda dhoka inaadhi shangithwa.