Ramaposa a tseyitha oka cabinet kepangelo lyuukumwe wopashigwana

Omupresitend gwa South Africa Cyril Ramaposa okwa holola epangelo epe lyuukumwe,sho ongundu ye tayi pangele yo ANC ya kanitha iipundi oyindji yopaalamende momahogololo ga ningwa mu May.

O BBC oya lopota kutya ongundu yo ANC otayi kala noopoosa 20 dhomooposa 32 dho cabinet,omanga yo DA,ndjoka yili ongundu onene yopambelewa yompilameno moshilongo,nomuleli gwayo John Stenhuisen uulikwa onga ominista yuunamapya,tayi kala noopoosa dhili 6,omanga dhilwe tadhi topolwa koongundu dhilwe dhili 6.

Omauliko oga landula iiwike yoonkundathana dha kwata miiti.

Mo cabinet okape,ongundu yo ANC otayi ka tsikila noopoosa oonene dhuuministeli ngaashi o defence,egameno,niikwapondje .