Omauliko giipindi ga Swakopmund ogeli metifa

 

Aauliki yiipindi nomayakulo yeli 150 mwa kwatelwa omahangano,oongeshefa oonshona nodhopokati ,aahalithi oshowo oombelewa,uuministeli ,nomahangano gepangelo,otaya ulike omayakulo niilongomwa yawo komauliko gonuumvo go Swakopmund International Trade Exposition (SWAiTEX).

Ga tamekithwa mo 2012,omauliko oga ninga oshiindingili shokomumvo shoka hashi gandja ompito ombwaanawa okuulika iilongomwa nomayakulo komahangano gomoshilongo nogopaigwana.

Ta popi peegululo lyomauliko giipindi guule woshiwike 1 ko Swakopmund ohela,Bisey Uirab,omupresitend gwehangano lyo Namibia Chamber of Commerce and Industry,ndjoka yuunganeka omauliko giipindi ,okwati omapekapeko ga ningwa oguulike kutya omauliko ogena oompito dhoku pindika,omakwatathano,uuyelele womikalo hwepo,noku yela ,mokati kiinima yimwe.

Pethimbo lya faathana,omauliko ogeli ompito yoonkundathana yaatotiveta naadhani nkandangala yalwe.

Omauliko giipindi nuumvo otaga ningwa kohi yehuku ‘Efficient Connectivity and Resource Beneficiation for Sustainable Growth in Africa’,ndyoka lili mondjila yimwe nelalakano lyoku yambulapo embwango mumwe lya Africa,ngaashi shili mo African Union Agenda 2063,The Africa We Want.