UN tayandje oushima kUganda oku yambidida ee rebel do M23 mo DRC.

Ehangano loiwana yahangana olati,  ovakwaita vetanga loshilongo Uganda otava yandje eyambidido kongudu yee rebel do M23 moushilo wa Democratic Republic of Congo.

Oshikundananeki sho SABC news osha lopota kutya, olopota yapitifwa kehangano loiwana yahangana omandaxa oyati,  onghalo oili ta ixwaxwamekifa oikolokosha momudingonoko wakala nale moshiponga.

Nande ongaho eeloopota odati,  Uganda okwe likala kolopota  yo UN, tati yee okuli talongele kumwe no matanga eameno oshilongo sha Congolese.

Ehangano loiwana yahangana monakudiwa ola kala tali yandje oushima koshilongo Rwanda,   kutya oha yambidida ee rebel do  M23,  odo pefimbo eli taku lopotwa dakwatako oshitopolwa shouyamba weemina shoushilo wa Congo , ashike nande ongaho Rwanda onghee telikale omapopyo okutya ota yambidida eerebel.

Eshi apulwa opo atyekosha koshikundaneki sho  Reuters, oo eli omupopiliko wopedu ha popileko etanga leameno la Uganda,  Deo Akiiki,  okwati omapopyo oo taapopilwa oshikondo shetanga lavo leameno kaena oushili nokwa  ulika nghene voo vena ekwatafano liwa nomatanga a Congo  (FARDC).

Olopota yehangano loiwana yahangana oyo yapitifwa omandaxa, oya ulika yoo kutya ovakwaita va Rwanda veli pokati ko  3 000 no 4 000 oveli tavatu epepe eerebele do M23 mo Congo.