Aanambelewa yaali mo South Africa otaya pewa ombedhi omolwa eso lyaavu 44 mo 2016

Omutamaneki ohela okwa  tokola kutya uuhasha waanambelewa yaali yoshilongo owo tau pelwe ombedhi omaso gaavu yena uunkundi wopamadhiladhilo ,sho ya lundululikwa komandiki inaaga shangithwa mo 2016.

Aavu yena uunkundi wopamadhiladhilo yeli 44 oya hulitha sho ya kuthwa moshipangelo shaamboka yena uuuvu wopamadhialdhilo okuya komahangano gaashi gopapangelo nokomandiki galwe,oku tetula elongitho lyoshimaliwa.

Noya hulitha ngaashi kokuya ombepo komapunga,oku kanitha omeya molutu,oshimela noku henwa kiikulya.

Aavu oya tuminwa komandiki ngoka sho oshikondo shuuhaku mo Gauteng,shayi metsokumwe no Life Esidimeni psychriatic hospital mo 2015.

Metoko lye,omutamaneki mompangu yopombanda mo Pretoria Momnoa Teffo okwati ominista yuuhaku moshikandjo pethimbo mpoka,Qedani Mhlangu,okwa hulithapo okondalaka ,nonando pena omayele gopaveta nomalondodho okuza kaanongo .

Tati omaihumbato ge ogeetitha omaso ,ngoka gamwe kwali gena oku keelelwa.