Michael Amushelelo, akupulashi omapopyo aavo tavemuula ombwada yopolitika

Omuxwaxwameki woshiwana  Michael Amushelelo,  okwa ekelashi omapopyo aavo tave muula ombwada yopapolitika,  konima eshi ayandja elombwelo moshiwana kutya,  ota waimine ongudu yopolitika yo   Landless People’s Movement (LPM).

Amushelelo epopyo eli okwe lipopya nodjonghundana yetu, konima eshi ayandja eshiivifo kutya okwa waimina ongudu yo LPM onghela.

Omu 34 teshiyelifa kutya ovo veshi oukwatya waye ovena eshiivo laasho talalakanene.

Amushelelo okwati yee okuna oufemba woku waimina nokuninga ehoololo loku kala mongudu omo yee ahala ngaashi shili pamulandu wekotamango loshilongo,  ndee osho hasho tashi dulu oku muulifa kutya okwe lininga ombwada yopapolitika.

Tahokolola nghene ovaleli hava shekwa nokuufanwa omadina ngeenge vaningi omatokolo oku kwatela komesho oshiwana.

Omuxwaxwameki woshiwana ota kulopotwa elikufamo noku fiyapo ongudu yo Namibia Economic Freedom Fighter (NEFF) konima eshi o commisi yomahoololo moshilongo  (ECN) yali  ya yandja elombwelo kutya,  oya kufa momusholondodo ongudu yo NEFF molwasho oya dopa oku wanifapo eelopota delongifo lopashimaliwa odo hadi pumbiwa oku yandjwa keengudu adishe dopapolitika.