Aanambelewa yepangelo itaazi we miilonga pethimbo momahogololo giilyo yegumbo lyopashigwana

Ominista yeyambulepo lyokomikunda noondoolopa Erastus Utoni okweetapo, onga oshinima sheendelela ,omalundululo mo section 77 yo Electoral Act,okupitika aanilonga yepangelo ya hogololwe momahpgololo go National Assembly itaaya thigipo iilonga yawo.

O Electoral Amendment Bill otayi vulitha iilyo mbyoka yi longithe omasiku gawo gomafudho  pethimbo lyomahogololo ,noku galukila kiilonga ngele inaya mona oshipundi.

Elunduluko ndika otali lalakanene oku kalekapo uuthemba wopakotampango ,oku kwashilipaleka iikumungu yomahogololo yi kale tayi longo nuupu,noku yambulapo ompito yaaulikwahogololwa.

Mboka taaka sindana iipundi otaaka pumbiwa ya thigepo iilonga yepangelo ,okuza mesiku iizemo yomahogololo tayi tseyithwa.