Ukraine ota pula ompangu yo ICC yi tamaneke Russia omolwa oshiponokela shoo Missile koshipangelo shaanona mo Kyiv

Omutamaneki gopombanda mo Ukraine okwiindiile ompangu yo ICC yi tamaneke Russia omolwa oshiponokela sho missile koshipangelo shaanona mo Kyiv kuyele oshiwike shika.

Oshilandopangelo sha Ukraine omandaaha okwali sha dhidhilike iiponokela yi kenyeneka inaashi monika nale okuza petameko lyiita yawo ,niiponokela moshilongo ashihe ya dhipaga aantu 44,mwa kwatelwa aakuluntu yaali koshipangelo shaanona mo Okhmatdyt.

Omutamaneki kuluntu Andriy Kostin okwa lombwele onzonkundana yo Reuters kutya ,omolwa uuyuki,iipotha ngaashi iiponokela yoshiningilawina koshipangelo oshinene shaanona mo Kyiv oya pumbwa oku konakonwa noku tamanekwa ko ICC.

Moscow okwa tindi oku ponokela oshipangelo,nokwa gandja ombedhi koo missile dha Ukraine okudhenga oshipangelo,shoka shili oshinene mu Europe ,nohashi panga aantu yena uuvu uunene ngaashi okankela,nuupyakadhhi wiiti ya nathingo.

O UN rights mission oyiitaala wo kutya oshipangelo osha dhengwa ku Moscow,na Kyiv okwati okuna uumbangi kutya osha dhengwa ko cruise missile ya Russia yo Kh-101.