Namibia na South Africa otaya tala kompito yoku etapo uupitilo nenge o corridors yo hydrogen

Namibia na South Africa oya shaina euvathanotsokumwe pethimbo lyomutumba go World Hydrogen Summit mu May nuumvo,okutala kompito yoku etapo uupitilo nenge o corridor yo hydrogen.

Etsokumwe ndika olyuulike etameko lyomapekapeko okutunga omunino gokoongamba go green hydrogen,ngoka guna okuvula okunawapaleka omudhingoloko gwiikwankondo yuumbangalantu wa Africa.

Metitano,ominista yoomina niikwankondo Tom Alweendo okwa tseyitha kutya opololeka oya kwatelamo omahangano omanene ngaashi lyo  Western Cape Tourism, Trade and Investment Promotion Agency (Wesgro), o  Northern Cape Economic Development, Trade and Investment Promotion Agency (NCEDA), o  Namibia Green Hydrogen Programme (NGH2P), Gasunie Waterstof Holding B.V., no  Climate Fund Managers (CFM) NL B.V.

Etsokumwe olyayi miilonga sha landula oshigongi shotango mo 09 July mo Cape Town.

Alweendo tati omapekapeko,no budget yodoola oobilion 4.9  otaga ka tala kiinima ya yooloka yopololeka ngaashi uu teginology,iipindi,emona,oveta,omudhingoloko,elikonkalathano ,netulomiilonga.

Alweendo ta fatulula kutya oyena okutala tango komunino gwa kwatakanitha o Lindili,mo Namibia no Nothern cape mo South Africa.