Omulumentu mo Kenya a mangwapo sho a zimine okudhipaga aakiintu 42

Opolisi ya Kenya nena oyati oya mangapo omufekelwa omudhipagi ngoka a zimine okudhipaga aakiintu 42 noku ekelahi omidhimba dhawo  metoto lyiiyagaya mo Nairobi.

Onzonkundana yo AFP oyati okuza etitano,omidhimba 9 dha tetwagulwa  nodha tonyewa moo plastic, odha kala noku kuthwa moo plastics molukanda Mukuru muutokelo woshilandopangelo,

Ngoka ta kwathele onga omukuluntu gopolisi Douglas Kanja okwati omufekelwa omunene omunamimvo 33 a tumbulwa kutya o Collins Jumaisi Khalusha okwa mangwapo ongula yonena.

Nemangepo olya landula oshikonga shopamuhanga pokati ko DCI no National Police Service.

Tati omufekelwa okwa zimine a heke,a dhipaga,noku ekelahi omidhimba dhaakiintu 42 ketoto lyiiyagaya,nokwati omadhipago oga ningwa pokati ko 2022 sigo 11 July nuuumvo.