Opaalamende ya Gambia oya tindi ontontwaveta ndjoka kwali yina oku hulithapo ekenko lyaakiintu

 

Opaalamende ya Gambia ohela oya tindi ontotwaveta ndjoka kwali yina okweeta pehulilo ekenko lyaakiintu,sho aatotiveta ya hogolola yeli ompinge noveta ya thanekwa.

Onzonkundana yo reuters oya lopota kutya ominista yomauyelele ,konima yomahogololo okwati ,ondjindikila yekenko lyaakiintu onkee tayi popilwa mo Gambia,nepangelo onkee liitulamo okweeeta pehulilo omukalo nguka gwa nika oshiponga.

Ontotwaveta oyeetitha oompata moshigwana oshowo etopoko.

Omutotiveta ngoka a fala ethaneko kopaalamende,Almaneh Gibba okwati ota kalekepo oohedhi moshilongo shina aa Muslim oyendji,moka ekenko lyaakiintu lya simana,

Ashike aa Islam oya tindi omathaneko ge.

Ehangano lyuundjolowele muuyuni olyati ekenko lyaakiintu kalina uuwanawa washa wopaundjolowele,nohali etitha ekanitho olindji lyombinzi,iilanduli yopamadhiladhilo,nomaso.

Omukuluntu gwehangano lyuundjolowele muuyuni Tedros  Adhanom Ghebreyesus okwa kondema etokolo lyopaalamende.