Epondolo oku hulithapo o HIV onkee inaali adhika-UNAIDS

Omatokolo gopapolitika taga kuthwa nuumvo otaga ka tala ngele oshishonekwa shoku hulithapo o HIV onga oshikele shuuhaku woshigwana okuthika komumvo 2030 otashaadhika,shiikwatelela kiigwana ya hangana nena.

Omiyalu okuza momumvo 2023 odhuulike kutya iipotha iipe nomaso  oga shonopala ,oshowo enawapalo okwaadha epango lyaavu yo HIV.

Ashike nonando omiyalu dhoka otadhi monika nawa,ehangano lyo UNAIDS olya londodha kutya epondolo onkee lya nkundipala.

Olopota tayiti omatokolo aaleli taa kutha nuumvo otaga ka tala ngele iilongo otayi adha iishonekwa yomumvo 2030 nenge ahowe,oku hulithapo o HIV onga oshikele shuuhaku woshiwgana noku  shilipaleka epondolo oku pitilila pomumvo 2030.

Olopota tayi gwedhako kutya muule woomvula 40 dha piti,etukuko lyo AIDS olyeetitha oshikele shopauyuni,noku dhipaga aantu ya konda poomilion 42.

Onzonkundana yo AFP oya lopota kutya omanga omaso giimanga ko HIV ga kala noku gwa pevi,okuza po 670 000 mo 2022 okuya po 630 000 omumvo gwa piti,omwaalu onkee guli pombanda.