Ookomanda yopolisi yoshilongo oyeli moshigongi shokomumvo kOngwediva

Ominista yiikwameni yoshilongo,omatembu,egameno nepopilo lyoshigwana Albert Kawana okwati uuministeli otau ka yamukula komashongo ga palamena opolisi ,ngele pwa holoka oonzo.

Kawana okwali ta popi pethimbo lyeegululo lyomutumba guule woshiwike shimwe goo komanda  yopolisi kOngwediva nena,tati  okuli uupathi womashongo ogendji ga palamena opolisi.

Tati oku kondjitha iimbuluma inaku kala ashike oshinakugwanithwa shopolisi oyo awike,nashi kale oshinima ha pumbwa omaidhopemo gopamuhanga.

Ta tseyitha kutya omwedhi taguya otaya tameke okudheula aanambelewa yopolisi 1 700 oku kwathela ompumbwe yanambelewa yopolisi.

Kawana ta holola kutya oyeshi kutya opolisi oya taalela omashongo ngaashi ompumbwe yiiyenditho,oompito dhoku yelwa dha ngambekwa omolwa omwaka pokati ka inspector na Chief Inspector,ompumbwe yomihandjo dhaanambelewa yopolisi ,nompumbwe yomizalo.

Nongele opwa  holoka oonzo, nena otaya ka landa iiyenditho oyindji.’

Omanga omukuluntu gopolisi Joseph Shikongo ati omalalakano gomutumba oku tala ondjele yetulomiilonga lyuutokolitho womutumba gomumvo 2022 ,oku tothamo omashongo,noku tala nkene taya yamukula omashongo ngoka gelipo naangoka taga holoka,moku guma omayakulo gopolisi moshilongo.

Omutumba otagu ningwa kohi yehuku:Embracing innovation to navigate policing challenges’.

Notagu hulu etitano.