Aakwashigwana miilongo ya yooloka mu Africa oya kanitha omukumo muudemokoli

Omapekapeko go Afrobarometer miilongo 30 ya Africa mwa kwatelwa Namibia oguulike eshunopevi lyoku hogolola nenge lyeinekelo lyuudemokoli.

Oo % 73 dhaa Africa odha hogolola uudemokoli pokati ko 2011 no 2013 okuyeleka noo % 66 mo 2021-2023.

Mo Namibia ehogololo lyuudemokoli mokati kaakwashigwana olya gwa pevi okuza poo% 66 okuya poo % 55.

Omugandjji mayele gopombanda guudemokoli mo Open Society Foundations Jeggan Grey Johnson okwati omiyalu odhuulike ekanitho lyeinekelo momahogololo gopaudemokoli.

Grey shika okweshi topola moshigongiilonga shopashitopolwa mo Windhoek ,shinasha netopolo lyuuyelele nomahogololo mu Africa.

Geereesha Topsy Sonoo o African Commission on Human and People Rights  commissioner, okwa holola omaipulo gepiyaganeko lyo internet nomakwatathano pethimbo lyomahogololo.

Ta dhenge wo omuthindo kutya omilandu dhomahogololo itaadhi longo odha pumbwa iiputudhilo mbyoka tayi kwatelemo,tayi kalapo,noyiithikamenapo.