Omukalelipo shilongo gwa America kiigwana ya hangana a talelepo ko Haiti

Omukalelipo shilongo gwa America miigwana ya hangana okwayi ko Port Au Prince omandaaha ,oku tsakanena naaleli yepangelo epe lyopakathimbo lya Haiti oshowo nopolisi ya Kenya.

Ambassodor Linda Thomas Greenfield okwa tseyitha omakwatho ga gwedhwapo goodola dha America oomilion 60 ku Haiti.

Tati omakwatho go USAID,ngoka ngaashingeyi ga konda poodola oomilion 165 momumvo nguka,otaga ka thitika omwaka yiitungilutu,egameno lyoondya nomalukalwa,oku nawapaleka omayakulo gomeya nuukaliwa,noku pa aa Haiti oshimaliwa koomuma oku landa iipumbiwa yopetameko.

Thomas Greenfield tati wo oshilongo shaandjawo otashi ka gandja wo iiyenditho ya gwedhwapo,mbyoka tayi vulu okulongithwa momahala gena iitopitha.

Onzonkundana yo Africa news oya lopota kutya oongangala ngaashingeyi ohadhi kondolola oo % 80 dhoshilandopangelo nomidhingoloko dhopopepi.

Omahangano giigwana ya hangana ogati omakuyunguto oga tululula aantu ya thika 580 000,netata lyawo oyeli aanona,noku etitha aantu oomilion 4 ya taalele okwaahena egameno koondya.

Opolisi ya Kenya otayi ka dheula wo opolisi ya Haiti miilonga yegameno yopamuhanga ,mbyoka inaayi tameka natango.