Iipotha iipe yo HIV otayiindjipala miitopolwa itatu yuuyuni-UNAIDS

Iipotha iipe yo HIV otayiindjpala miitopolwa itatu:Middle east ,no North America,Eastern Europe no Central Asia no Latin America,noomwaka,nokwaahathikepamwe onkee taku tsikile,shiikwatelela ko Joint United nations Programme on Hiv-Aids.

Omukuluntu wiliki go UNAIDS Winnie Byanyima momushangwa gwiikundaneki metiyali okwati nonando pwaadhika omapondolo ogendji oku keelela iipotha iipe yo HIV,mbyoka ya gwa pevi noo % 39 okuza mo 2010 muuyuni auhe,nonoo % 59 mo eastern and Southern Africa,olopota ompe yo UNAIDS oyuulike kutya iipotha iipe yo HIV otayiindjipala miitopolwa itatu.

Tati muuyuni,maantu oomilion 39,9 yena o HIV ihaya mono epango lyoku hupitha oomwenyo,nonga oshilanduli,omuntu oha hulitha kiiyetithi yiimanga ko AIDS kehe omunute.

Ta gwedhako kutya aaleli muuyuni oyuuvaneke taya shonopeke iipotha iipe kehe omumvo okuya piipotha yili pevi lyo 370 00,okuthika komumvo 2025,ashike iipotha iipe onkee yiindjipala,ya ndatupala okuyeleka naampoka yali ,poomilion 1.3 mo 2023.

Mo Namibia okwati oo % 95 dhaakuluntu ayehe yomimvo 15-49 oyeshi mpoka ya thikama ngele tashiya ko HIV,oo% 97 otaya mono epango,noo% 94 ondjele yombuto oya shuna pevi mo 2023.

Iilongo ngaashi Bostwana,Eswatini,Rwanda,Zimbabwe na Tanzania oyaadha oshishonekwa shoo % 95-95-95 oku hulithapo omukithi,nayilwe 16,mwa kwatelwa Namibia oyili pokushi ninga.