Ngoloneya gwa Erongo Neville Itope a simanekwa ko African Bussiness Leadership Awards

Ngoloneya gwa Erongo Neville Andre Iitope okwa simanekwa nepapa lya ngoloneya dhingi mu Africa kegandjo lyomapapa omati 9th ,go African Bussiness Leadership Awards ,mo London sha UK oshiwike sha piti.

Omapapa oguunganekwa ko African leadership Magazine,oshikundaneki shaa Africa,sheetwapo mo 2010,shoka hashi ulike aa Africa dhingi kuuyuni.

Omapapa ohaga simaneke aaleli yoongeshefa,aatotiveta nomahangano omolwa ekuthommbinga lyawo meyambulepo liko nkalathano mu Africa.

Omapapa oga gandjwa pokati ko 17-18 July,nokwali geeta pamwe aaleli naatotiveta aanwethemo okuza mu Africa,mo UK napalwe muuyuni ,okwiikunda onakuyiwa yenenevi noku hinga epondolo.

Momutumba gwiikundaneki ohela ko Swakopmund,ngoloneya okwati oku pewa epapa ndika otashuulike nkene ya za kokule ,nomapondolo ngoka yaadha.

Ta popi  esimano lyepapa, Itope okwa dhenge omuthindo omashongo ngoka ya palamena onga oshitopolwa nomalalakano gasho gonakuyiwa.

Tati ota nunine epapa ndyoka  nakusa Hage Geingob,aapambele ye,noshigwana ashihe sha Erongo, omolwa eyambidhidho nelongelokumwe lyawo.

Ta pandula wo ominista yiipindi Lucia Ipumbu sho a tumbulwa onga ominista dhingi yiipindi mu Africa,na ngoloneya gwa Otjozondjupa James Uerikua ,sho a pewa shoka tashiithanwa special congressional commendation okuza ko South Carolina General Assembly , omolwa ewiliko lye.