Dr Job Amupanda audaneka ongudu yavo taitwikile noku kondjela oshiwana okumona omayakolo.

Omukwateli komesho wongudu yo Affirmative Repositioning (AR) Chief, Dr. Job Amupanda, okwati ongudu yavo ota itwikile noku kondjela oshiwana shimone noku longifa oumitwe voshilongo oku valongifa momahoololo.

Amupanda edi okwe dipopya onghela pefimbo loshongalele noikundaneki tati oshiwana oshina oshinakuwanifwa shoku lishangifa opo shikadule okuka kufa ombinga momahoololo oupresident noilyo yeumbo lomutumba wopashwiana mu November neudo.

Professor Amupanda tapopi noku yandja yoo omafaneko opo ovahoololi moshilongo vakale hava hovele oku hoolola okudja pomido 16, molwaasho natango pomido opo,  opo omukwashiwana omu Namibia apitikwa oku mona okamutwe koshilongo, ngaashi sha yelifwa noku diminwa komilanduveta doshilongo.

Okwati omukalo woku lishangifa no ukalata voumitwe oshili yoo oufemba woshiwana, nokwa popya nghene omukalo womalishangifo uli haumanepo oimaliwa ponele yoku longifa omukalo wedidiliko loumitwe aveke,  pefimbo lomahoolo.

Amupanda talongifa omito okupula oshiwana shiyambidide nokutwa epepe lopashimaliwa ongudu yo   AR,  molwaasho kaina eyambidido lasha olo haimono okudja ko parliament, keedjo doilyolongo yopondje ile momikalo doulingilingi, opo vadule oku kufa ombinga moikonga yomahoololo, voo vakadule  yoo oku twala etumwalaka lapumbiwa koshiwana, osho shili onakwiiwa yefimbo eli tuli.