Ospan okuza mo SADC Electoral Advisory Council (SEAC) oyili mo Namibia metumo tali tetekele omahogololo

Ospan okuza mo SADC Electoral Advisory Council (SEAC) oyili mo Namibia metumo tali tetekele omahogololo, oku tala epyakudhuko lyoshilongo oku ninga omahogololo gopashigwana mu November.

Leonard Sesa,a kalelapo Bostwana molutu ndoka,okwa lombwele o Nampa nena kutya oyeli moshilongo  uule wiiwike iyali   okuya moonkundathana naanipambuliko yomahogololo ya yooloka.

Tati oyeya oku tsakanena naanipambuliko yomahogololo ya yooloka okutala ngeke okomisi yomahogololo oya pyakudhukwa oku ninga omahogololo gopashigwana.

Tati wo olutu otalu ka nongonona epyakudhuko lyoshilongo shiikwatelela kooondondo dhuudemokoli womahogololo dho SADC.

Nospan otayi ka tsakanena naanipambuliko ngaashi okomisi yomahogololo,oongundu dhoopolitika,aanambelewa yepangelo,aantu yena omaulema,niikundaneki.

Ospan ngele ya manitha etumo lyawo,otayi ka lopota ko SADC Member States kungele Namibia okwa pyakudhukwa oku ninga omahogololo gopashigwana mo 27 November.